सरकार जनता र प्रेससँग डराउन छाड्यो : गगन थापा

0
304

 

नेपाली कांग्रेसका केन्द्रीय सदस्य तथा प्रभावाशाली युवा नेता गगन थापाले वर्तमान सरकार जनता र प्रेससंग डराउन छाडेको आरोप लगाउनुभएको छ । उहाँले जनता र प्रेसले उठाएका विषयबस्तुसंग डराउन सरकारलाई आग्रह गर्नुभयो । नेपाल प्रेस युनियन जिल्ला शाखाको पदस्थापना कार्यक्रम तथा पत्रकार अन्तरक्रिया कार्यक्रममा बोल्दै नेता थापाले सरकारले जुनसुकै निर्णय गर्दा पनि ढुक्क हुनु गलत भएको बताउनुभयो । ‘सरकार प्रश्न गर्नेहरु माथि जाईलाग्न भन्छ तर प्रश्नहरुसंग सरकार डराएन भने जनताले के भन्छन् भन्ने विषयमा बेसरोकार निर्वाचित सरकार रह्यो भने यो एकदमै गम्भीर विषय बन्छ,’ उहाँले भन्नुभयो, ‘कसले के भन्छ भन्ने विषयमा सरोकार रहेन भने यो गलत हुन्छ ।’

प्रतिपक्षले उठाएका विषय गलत पनि हुनसक्छ तर यस विषयलाई मतलब गरिएन भने गलत प्रवृत्ति हावी हुंदै जाने उहाँले बताउनुभयो । ‘सरकारको कदम सही हुन पनि सक्छ,’ उहाँले भन्नुभयो, ‘यी सबै विषयमा मलाई मतलब छैन तिमीहरु बोल्दै जाउँ विकासविरोधी बोल्दै जान्छन् केही पनि छैन भन्नु गलत हो ।’ सुशासनका लागि गलत प्रवृत्ति हराउँदै गएको बताउँदै सांसद थापाले निर्वाचित सरकार जनता र प्रेससंग डराउनपर्ने सुझाव दिनुभयो ।   नेता थापाले निर्वाचित सरकारले डरलाग्दो प्रवृत्ति मौलाउन दिएकाले यस्ता गलत प्रवृत्तिको विरोध गर्नुपर्नेमा जोड दिनुभयो । ‘मेरोबारेमा जनधारणा वदलिएको छ भन्ने कुरा किन बुझ्न सकेका छैनन्,’ उहाँले भन्नुभयो, ‘निर्वाचनबाट आएको सरकार डराउनुपर्छ । मैले गरेका गल्ती सच्चाउनुपर्छ भन्ने धारणा कहिल्यै बनाउन सकेको छैन ।’ उहाँले अहिलेको सरकारले आफुलाई बिस्तारै तानाशाह बनाउँदै लगेको बताउदै सबै भन्दा धेरै अनुकुलताको समयलाई क्षमताको अभावमा खेर फाल्न खोजेको उल्लेख गर्नुभयो । ‘सरकार क्षमताका हिसाबले सही ढंगले शासन गर्न सकेको छैन,’ उहाँले भन्नुभयो, ‘नागरिक भएर हेर्दै गर्दा सानादेखि ठूला काम गर्न मेसो पाएको छैन ।’ अब नेपाली जनताले यस्तै अवस्था भोग्दै गए भने पद्दतीमा प्रश्न उठाउने भएकाले यस विषयमा सरकार गम्भीर हुन नेता थापाले आग्रह गर्नुभयो ।

LEAVE A REPLY