नेपालटारमा किसानलाई व्यावसायिक तरकारी खेती तालिम

उदयपुर । उदयपुरगढी गाउँपालिकाले किसानहरूलाई व्यावसायिक तरकारी खेती तालिम दिएको छ । किसानहरूले उदयपुरगढी गाउँपालिका ६ नेपालटारमा तीन दिने व्यावसायिक तरकारी खेतीसम्बन्धी तालिम दिएका हुन ।

गाउँपालिकाको कृषि विकास शाखाको आयोजनामा किसानहरूलाई सीप दिएर स्वरोजगार बनाउने उद्देश्यले सञ्चालित तालिम सम्पन्न भएको हो ।

जागरण पशुपंक्षी तथा कृषक समूहमा आवद्ध किसानहरूलाई तरकारी खेतीसम्बन्धी तालिम दिइएको कृषि शाखा प्रमुख पारशमणि फुँयालले बताए । 

तालिममा प्रशिक्षक मोहनलाल फुँयालले कृषि तथा तरकारी खेतीको विभिन्न पक्ष, बाली क्यालेन्डर, विभिन्न रोग, किराले कृषकलाई पार्ने समस्याबारे प्रशिक्षण दिएका थिए ।

तालिमको संयोजन उदयपुरगढी गाउँपालिकाका कृषि विकास शाखाका प्रमुख पारसमणि फुँयालले गरेका थिए ।

पालिकाको कृषि विकाश शाखाको आयोजनामा जागरण पशुपंक्षी तथा कृषक समूहमा आवद्ध कृषकहरूका लागि १८ हप्ते कृषि पाठशाला बिहीबार सम्पन्न गरेको थिायो ।

 पाठशालामा सहभागी भएका ३० जना कृषकलाई तरकारी बाली काउली खेतीसम्बन्धी अध्यापन गराइएको थियो ।

© 2021 Quicknepal.com  |  All Rights Reserved.