काठमाडाैं । यो साता सुनको मूल्य प्रतितोला १२ सय रुपैयाँले गिरावट आएको छ । अघिल्लो शुक्रबारको तुलनामा यो शुक्रबारसम्ममा १२ सयले मूल्य घटेको नेपाल सुनचाँदी व्यवसायी महासंघले जानकारी दिएको हो ।
गत साताको शुक्रबार छापावाल सुनको मूल्य प्रतितोला ९३ हजार ८०० रुपैयाँ तोकिएको थियो । जुन, यो साताको शुक्रबार १२ सयले घटेर ९२ हजार ६०० रुपैयाँमा आइपुगेको छ ।
यस्तै गत साताको शुक्रबार तोलामा ९३ हजार ३०० रुपैयाँमा कारोबार भएको तेजाबी सुनको मूल्य यो साताको शुक्रबार ९२ हजार १०० रुपैयाँमा आइपुगेको छ । तेजाबी सुनको मूल्य पनि यो साता प्रतितोला १२ सयले घटेको छ ।