श्री एयरलाइन्सले ३ वोटा जहाज थप्दै

काठमाडौं । वायुसेवा प्रदायक कम्पनी श्री एयरलाइन्सले जहाज थपेर सेवा र बजार विस्तार गर्ने रणनीति लिएको छ ।यो निजी क्षेत्रको वायु सेवा कम्पनी हो ।

  सेवा विस्तार गरेर थप सेवालाई प्रभावकारी बनाउने उदेश्यले एयरलाइन्स कम्पनीले नयाँ जहाज थप्ने काम अगाडि बढाएको हो । यस अघि उक्त कम्पनीले एकैसाथ दुई थान थप नयाँ जहाज खरिद गरेको थियो ।

पछिल्लो पटक  कम्पनीले ८० सिट क्षमताको क्यू४००–८ जहाज थप गरेको हो ।   यी थपएिका जहाजसहित कम्पनीको उडान सेवामा आठ वटा जहाज भएका छन् ।

 एयरलाइन्सले ५ वटा जहाज भित्र्याउने योजना अन्तगर्त ८० सिट क्षमताका समान तीन जहाज मध्ये दुई वटा  नेपाल आइसकेको र बाँकी एउटा छिट्टै भित्र्याउने कम्पनीको योजना रहेको श्री एयरलाइन्सका प्रवन्धक अनिल मानन्धरका बताए । 

अरु  दुई जहाजको पनि खरिद प्रक्रियामा अघि बढाइने उनको भनाइ छ । उनले भने,‘हाम्रो जहाज थप्ने र बजार विस्तार गर्ने योजना अनुरुप पाँच वटा जहाज खरिदका लागि संस्कृति, पर्यटन तथा नागरिक उड्डयन मन्त्रालयमा निवेदन दिएको र  अनुमति मागेको मध्ये तीन वटा जहाज खरिद भइसकेको छ ।

अन्य दुई थान नेपाल आइसकेको र बाँकी रहेको त्यो एक थान पनि चाँडै नै नेपाल ल्याउने प्रबन्धक मान्नधरले बताए ।

हाल सुर्खेत र तुम्लिङटारमा नयाँ उडान सञ्चालन गर्ने कम्पनीले  योजना बनाएको छ ।  यस उडानका लागि नेपाल नागरिक उड्डयन प्राधिकरणसँग एयरलाइन्सले नियामक उडान अनुमति मागिसकेको छ । त्यसमा देखिएका समस्याको समाधान भई सकेपछि काम सुचारु हुने कम्पनीको भनाइ  छ । 

 

© 2021 Quicknepal.com  |  All Rights Reserved.