गृहमन्त्रीले सार्वजनिक गरे २०६ बुँदे गृह प्रशासन सुधार योजना

 काठमाडौं । गृहमन्त्री बालकृष्ण खाँणले कार्यभार समालेको ६ महिनापछि गृह प्रशासन सुधार कार्ययोजना सार्वजनिक गरेका छन् । 

सिंहदरबारमा मन्त्री खाँणले  आज २०६ बुँदे गृह प्रशासन सुधार कार्ययोजना–२०७८ सार्वजनिक गरेका हुन् ।

उक्त कार्ययोजनामा गाँजाको खेती र प्रयोगको मापदण्ड बनाउने , स्थानीय तहबाट नै नागरिकता वितरण गर्ने, योजना रहेका छन  । 


  गाँजाको औषधि प्रयोजनका  लागि ६ महिनाभित्र कार्यविधि तयार गर्ने मन्त्रालयको तयारी छ  ।  अहिले नीति योजना अनुगमन तथा मूल्याङ्कन महाशाखाले यसबारे काम गरिरहेको छ ।


अध्यागमन नीति तर्जुमा गरेर  पछिमात्र यो नीति तय लागु गर्ने  मन्त्रालयको योजना रहेको छ ।  गृह मन्त्रालयले निश्चित मापदण्ड पुरा गरेर  स्थानीय तहबाटै नागरिकता वितरण गर्ने योजना बनाएको छ । 


 यसैगरी प्रहरीको सरुवा र बढुवामा पनि नयाँ मापदण्ड तयार गर्ने मन्त्रालयको योजनाका साथै नेपाल प्रहरी र सशस्त्र प्रहरी बलको संगठन तथा व्यवस्थापन सर्वेक्षण (ओएण्डएम) गर्ने योजना सार्वजनिक गर्दै  लागुऔषध नियन्त्रणका लागि पनि हरेक  जिल्लामा लागुऔषध सचेतना केन्द्र सञ्चालन गर्ने मन्त्रालयको तयारी रहेको छ  

 

© 2021 Quicknepal.com  |  All Rights Reserved.