काठमाडौं । स्वास्थ्य तथा जनसंख्या मन्त्रालयले पछिल्लो चौबिस घण्टामा देशभर ४३७ जना कोरोना भाइरसको नयाँ संक्रमित थपिएको जनाएको छ ।
पछिल्लो २४ घण्टामा ९ हजार ९१ जनामा कोरोना परीक्षण हुँदा ४३७ जनामा संक्रमण पुष्टि भएको छ । सोही अवधिमा २ हजार ४५४ जना भने संक्रमणमुक्त भएका छन् ।
कोरोना संक्रमणका कारण बितेको चौबिस घण्टामा थप २ जनाको मृत्यु भएको मन्त्रालयले जनाएको छ ।
सो अवधिमा २ हजार ४५४ जना कोरोना संक्रमित निको भएका छन् ।
हाल देशभर १४ हजार ४३५ जना सक्रिय संक्रमित रहेका छन् ।