सुनचाँदीको मूल्य स्थिर, यस्तो छ बजार भाउ

काठमाडौं ।  साताको दोस्रो दिन (आज) नेपाली बजारमा सुनचाँदीको मूल्य स्थिर भएको छ । नेपाल सुनचाँदी व्यवसायी महासंघले आज सुनचाँदीको कारोबार मूल्य स्थिर रहेको जानकारी दिएको हो ।

महासंघका अनुसार आज छापावाल सुनको मूल्य तोलामा ९८ हजार रुपैयाँ र तेजाबी सुनको मूल्य ९७ हजार ५०० रुपैयाँ छ । आइतबार पनि छापावाल सुनको कारोबार मूल्य तोलामा ९८ हजार रुपैयाँ नै थियो । यस्तै, तेजाबी सुनको कारोबार मूल्य समेत ९७ हजार ५०० रुपैयाँ थियो ।

यसैगरी, आज चाँदीको मूल्य पनि स्थिर रहेको छ । महासंघले आज चाँदीको भाउ तोलामा १२ सय ७० रुपैयाँ रहेको जानकारी दिएको छ । चाँदी आइतबार पनि यही मूल्यमा कारोबार भएको थियो । 

© 2021 Quicknepal.com  |  All Rights Reserved.