काठमाडौं । नेपालले अमेरिकासँग ६० लाख डोज फाइजर खोप खरिद गर्ने भएको छ ।
नेपालले महँगो दरमा ६० लाख डोज खोप किन्ने भएपछि अमेरिकाले एक लाख डोज खोप अनुदानमा दिने घोषणा गरेको छ ।
६० लाख डोज डाेज किन्ने सहमति भएपछि अमेरिकाले नेपाललाई एक लाख डोज खोप अनुदान दिन लागेको हो ।
स्वास्थ्य मन्त्रालयले कति मूल्यमा खोप खरिद गर्न लागेको हो, सार्वजनिक गरेको छैन ।
स्वास्थ्यविद्हरुले भनेका छन, सरकार प्रचलित मूल्यभन्दा बढीमा खोप खरिद गर्ने तयारीमा सरकार रहेकाे छ।
स्वास्थ्य मन्त्रालयका सचिव डा. रोशन पाखरेलले ६० लाख खोप अमेरिकासँग खरिद गर्न लागेको स्वीकार गरेका छन् ।
अमेरिकी दूतावासले भोलि नै नेपाललाई एक लाख ६ सय २० खोप अनुदान दिन लागेको बताएको छ । यस अघि अमेरिकाले नेपाललाई १५ लाख जोन्सन एन्ड जोन्सन खोप उपलब्ध गराएको थियो ।
बालबालिका लक्षित फइजर खोपको अन्तरार्ष्ट्रिय मूल्य २५ डलर रहेको बताइएको छ ।