काठमाडौं। नेकपा एमालेको १०औँ महाधिवेशनमा सहभागी हुने प्रतिनिधिको संख्या बढेको छ ।
शुक्रबार बसेको केन्द्रीय कमिटीको संख्याले महाधिवेशन प्रतिनिधिको संख्या बढाएको हो । बिहीबारको स्थायी समितिको बैठकले १ हजार ५ सय ३६ मात्र सहभागी हुन पाउने निर्णय गरेको थियो ।
तर, शुक्रबारको केन्द्रीय कमिटीको बैठकले सो संख्या बढाएर १ हजार ९ सय ९९ पुर्याएको हो । केन्द्रीय कमिटीमा सहभागी सदस्यको मागबमोजिम सहभागी संख्या बढाइएको हो ।
यस अघि गोदावरीमा भएको एमाले प्रथम विधान महाधिवेशनमा ६ हजारभन्दा बढी प्रतिनिधि सहभागी भएका थिए । एमालेको १० औँ महाधिवेशन मंसिर १० देखि १२ गते चितवनमा हुँदै छ ।