आगामी निर्वाचनमा एमालेले बहुमत होइन दुई तिहाइ पाउँछः रावल

चितवन । नेकपा एमालेकी चितवन जिल्ला अध्यक्ष पार्वती रावलले चितवन सबै हिसाबले आत्मनिर्भर बन्दै गएको बताएकी छिन् । उनले एमाले १०औँ महाधिवेशन उद्घाटनका क्रममा नेकपा एमालेले चितवनलाई महाधिवेशन स्थल बनाएकोमा खुसी व्यक्त गरिन् ।

सो क्रममा उनले भनिन्, ‘चितवन विकास निर्माण, शिक्षा क्षेत्र, स्वास्थ्य उपाचार केन्द्रहरू निर्माणका हिसाबले निकै अगाडि रहेको छ । यस्तै, पूर्वप्रधानमन्त्री एवं पार्टी अध्यक्ष केपी ओली शर्मा नेतृत्वको सरकारले चितवनलाई रामग्राम क्षेत्रका रुपमा पनि विकास गरेको बताइन ।'

उनले आगामी निर्वाचनबाट नेकपा एमाले बहुमत होइन, दुईतिहाई मत पाउने दाबी पनि गरिन् । उनले भनिन्, ‘आगामी निर्वाचनमा नेकपा एमालेले बहुमत होइन । दुई तिहाइ पाउनेछ ।’

महाधिवेशन आयोजक जिल्ला अध्यक्षका हिसाबले उनले महाधिवेशन स्थल व्यवस्थापनमा सकारात्मक, रचनात्मक भूमिका खेल्ने सबैलाई हार्दिक पनि दिइन धन्यवाद  दिइन् ।

© 2021 Quicknepal.com  |  All Rights Reserved.