काठमाडौं । कांग्रेस वरिष्ठ नेता रामचन्द्र पौडेलले आफू सभापतिको उम्मेद्वारबाट पछि हटेको घोषणा गरेका छन् ।
यसअघि पार्टी सभापतिको रेसमा रहेका पौडेलले आफ्नो पक्षमा सहमति हुन नसकेपछि शनिबार एक विज्ञप्ति जारी गर्दै आफू सभापितको रेसबाट पछि हटेको घोषणा गरेका हुन् ।
'कांग्रेसलाई आज केव सत्ताको भर्याङमा सीमित हुन गएको मलाई महसुस भइरहेको छ । त्यो पनि संसदीय विचलनबाट हात लागेको सत्ता अवसरमा पार्टी रमाइरहेको अवस्था छ,' पौडेलद्वारा जारी विज्ञप्तिमा उल्लेख छ ।
उनले प्रतिस्पर्धाबाट अलग रहे पनि विवेक प्रयोग गरेर मतदान गर्न सबैलाई अपिल गरेका छन् ।
