वागमती प्रदेशः सांसद गोलेले मतदान गरेको तस्बिर खिचेपछि तनाव उत्पन्न 

 
        काठमाडौं ।  वाग्मती प्रदेश सांसद हिमाली गोलेले आफैँले मतदान गरेको तस्बिर खिचेपछि हेटौंडा–८ स्थित औद्योगिक क्षेत्रमा भइरहेको राष्ट्रिय सभा चुनावमा समस्या देखा परेको छ  ।

 दोलखाबाट माओवादीकी समानुपातिक सांसद रहेकी लामाले मतदान गरेको तस्बिर खिचेपछि प्रमुख निर्वाचन अधिकृत डिल्लीरत्न श्रेष्ठबीच विवाद बढेको हो।


         प्रमुख निर्वाचन अधिकृत श्रेष्ठले सांसद लामालाई उक्त तस्बिर हटाउन आग्रह गरेका थिए । तर नमानेपछि एकपछि अर्को क्रममा विवाद बढ्दै गएपछि अवस्था गम्भिर बनेको छ ।  त्यसपछि मतदानको क्रममा माओवादीका अर्का सांसद राजकाजी महर्जन श्रेष्ठसँग  विवाद भएको हो ।  

 श्रेष्ठ ललितपुर क्षेत्र नम्बर ३–क बाट निर्वाचित सांसद हुन् ।  लामाले यसअघिको राष्ट्रिय सभा चुनावमा मतदान गरेकी थिइनन् ।    प्रमुख निर्वाचन अधिकृतसँग विवादपछि महर्जन र गोले मुख्यमन्त्री राजेन्द्र पाण्डेलाई जानकारी दिइ  मतदानस्थलबाट बाहिरिएका छन्
 ।
राष्ट्रियसभा सदस्यअन्तर्गत् वाग्मती प्रदेशतर्फ खाली रहेको दुई सिटका लागि हेटौंडा–८ स्थित औद्योगिक क्षेत्रमा बिहान ९ बजेबाट मतदान प्रक्रिया सुरु भएको छ ।

राष्ट्रिय सभा सदस्यको प्रतिस्पर्धाका लागि  ६ जना उम्मेदवार मैदानमा उत्रिएका छन । जसमा  सत्तारुढ गठबन्धनका दुई जना, नेकपा एमालेको तर्फबाट २ जना र नेपाल मजदुर किसान पार्टीबाट दुईजना गरी  जम्मा ६ जनाले मनोन्वयन  दर्ता गरेका छन । 

गठबन्धन दलका तर्फबाट महिलामा नेकपा (एस) बाट गोमादेवी तिमल्सिना र अन्यमा कांग्रेसबाट कृष्णप्रसाद पौडेल रहेका छन ।

 यसैगरि  विपक्षी दल नेकपा एमालेबाट महिलामा निरुकुमारी कुँवर र  अन्यमा गोपाल शाक्य र नेमकिपाबाट महिला गीता काफ्ले र  कृष्णबहादुर तामाङ उम्मेदवारले उमेद्वारी दिएका छन ।  यस पटक    राष्ट्रिय सभा निर्वाचनमा वाग्मतीमा ३ सय ४६ मतदाता छन् ।

मतदातामा प्रदेशका ११९ वटा स्थानीय तहका प्रमुख र उपप्रमुख गरी  जम्मा २ सय ३७ रहेका छन् । निर्वाचनमा प्रदेश सभा सदस्यको मतभार ४८  र स्थानीय तहका प्रमुख तथा उपप्रमुख र अध्यक्ष तथा उपाध्यक्षको मतभार १८ हुने व्यावस्था रहेको छ  ।

 जसमा निर्वाचनमा १०९ जना प्रदेश सभा सदस्यको ५ हजार २३२ मतभार रहेको छ ।  स्थानीय तहका २३७ जना प्रमुख तथा उपप्रमुख र अध्यक्ष तथा उपाध्यक्षको ४ हजार २६६ मतभार रहेको छ ।  यसैगरि वाग्मतीमा कुल ३४६ जना मतदाताको ९ हजार ४९८ मतभार गणना भएको छ । 

© 2021 Quicknepal.com  |  All Rights Reserved.