संघीय कानून आएपछि  नेपालमा गुणस्तरीय शिक्षा प्रदान गर्न  सकिन्छ ः राज्यमन्त्री श्रेष्ठ

काठमाडौं । प्रधान मन्त्री तथा मन्त्रिपरिषद् कार्यालयका राज्यमन्त्री उमेश श्रेष्ठले शैक्षिक विकासका लागि निजी क्षेत्रलाई समेत समेट्ने  गरी विभिन्न संघीय कानून ल्याउन लागेको जानकारी दिएका छन् । 

काठमाडौँको स्वस्तिश्री गुरुकुल स्कुलमा आज भएको एक कार्यक्रमलाई सम्बोधन गर्दै मन्त्री श्रेष्ठले यस्तो बताएका हुन् ।

यसका साथै संघीय कानून  पारित भएपछि शिक्षामा निजी क्षेत्रले अझ बढी लगानी  गर्नसक्ने वातावावरण बन्ने जानकारी दिए । उक्त समारोहमा भर्चुअल माध्यमबाट सहभागिता जनाएर उनले यस्तो बताएका हुन्  ।

 प्राविधि र उच्च शिक्षा तथा विद्यालय तहको शिक्षाका विषयमा छुट्टाछुट्टै कानून बन्ने  समेत उनले जानकारी दिए ।

समाजमा परिवर्तिन शिक्षाको खाँचो भएको छ । समय र आवश्यकता अनुकुल शिक्षा अहिलेको समाजलाई आवश्यक भएको भन्दै नेपाल शिक्षा र स्वास्थ्यको हब बन्ने  उनले दाबी गरे।


उनले भने,‘ नेपालबाट बर्षेनी ६०-७० हजार विद्यार्थी अध्यनका लागि विदे्श जान्छन् । अरबौ रुपैया रकम विदेश जान्छ ।’ त्यो रकम रोक्न नेपालमा अब गुणस्तरीय शिक्षा आवश्यक रहेको  उनले बताए ।

© 2021 Quicknepal.com  |  All Rights Reserved.