आजदेखि बढ्यो कुखुराको मासुको मूल्य, कति पुग्याे ?

काठमाडौँ । आजदेखि कुखुराको मासुकाे मूल्य वृद्धि भएको छ । राष्ट्रिय कुखुरा बिक्री व्यवसायी संघले आजदेखि मासुको मूल्य बढेको जानकारी दिएको छ।  शनिबारदेखि किसानले पाउने मूल्य प्रतिकिलो १० रुपैयाँले बढेको छ ।

उपभोक्ताले किन्ने मूल्य प्रतिकिलो १५ रुपैयाँ बढ्ने संघको भनाइ छ ।  संघका अनुसार उपत्यकामा कुखुराको मासुको मूल्य प्रतिकिलो ३६० रुपैयाँ पुगेको छ ।   जिउँदो कुखुराको प्रतिकिलो २६० रुपैयाँ पाउने छन् । 

संघले उपत्यकामा प्रतिकिलो ३६० रुपैयाँमा मासु बिक्री भइरहेको बताएपनि उपत्यकाका व्यापारीहरूले ३८० रुपैयाँसम्म लिने गरेका छन । संघमा आबद्ध कोल्ड स्टोरहरूले तोकेकै मूल्यमा कुखुराको मासु बेच्ने गरेको छन् ।

चिसो याममा कुखुराको उत्पादन घट्दा मासुको मूल्य बढेको संघले जानकारी दिएको छ । 

© 2021 Quicknepal.com  |  All Rights Reserved.