काठमाडौं । काठमाडौंको सिनामंगलबाट ११ अफगानी नागरिक पक्राउ परेका छन् ।
नेपाल प्रहरीको केन्द्रीय अनुसन्धान व्यूरो (सिआईबी)ले सोमबार सिनामंगलको एक घरबाट उनीहरुलाई पक्राउ गरेको हो ।
पक्राउ परेकामध्ये ६ जनासँग भारतको आधार कार्डसमेत बरामद भएको सिआईबीले जनाएको छ । बरामद भएको भारतको आधार कार्ड नक्कली भएको प्रहरीको भनाइ छ ।
तालिवानले अफगानिस्तानको सत्ता सम्हालेपछि उनीहरु भागेर भारतहुँदै नेपाल प्रवेश गरेका थिए ।
उनीहरु रुपन्देहीको नेपाल–भारत सिमाना बेलहियाबाट नेपाल प्रवेश गरेको पाइएको छ ।