ताप्लेजुङ रेडक्रस कोभिड– १९ प्रतिकार्य कार्यक्रम सञ्चालन गर्दै

ताप्लेजुङ । नेपाल रेडक्रस सोसाइटी ताप्लेजुङमार्फत कोभिड– १९ पूर्वतयारी तथा प्रतिकार्य कार्यक्रम सञ्चालन हुने भएको छ । नेरेसो ताप्लेजुङले सरोकारवालाको समन्वय बैठकमार्फत सञ्चालन हुने कार्यक्रमका बारेमा जानकारी गराएको हो ।

कार्यक्रम संयोजक दिननाथ भण्डारीका अनुसार कार्यक्रम ४ महिनाको हुने छ । रेडक्रसको अन्तराष्ट्रिय महासंघको आर्थिक सहयोगमा पहिलो चरणमा नेपालका ३४, दोस्रो चरणमा १० र तेस्रो चरणमा ६ गरी ५० जिल्लामा यो कार्यक्रम सञ्चालन हुने रेडक्रस केन्द्रीय तर्दथ समितिका सदस्य समेत समेत रहेका ताप्लेजुङ सभापति इन्द्रबहादुर गुरुङले बताए ।

ताप्लेजुङका लागि सञ्चालन हुन लागेको कार्यक्रम दोस्रो चरणको हो । रेडक्रसको प्राविधिक आन्तरिक समस्याका कारण कारण सञ्चालन अवधि पछि धकेलिएको गुरुङले जानकारी दिए ।

कार्यक्रमको बजेट १९ लाख ४ हजार रुपैयाँ रहेको छ । यो बजेटमार्फत रेडक्रस ताप्लेजुङले कोरोना रोकथाम तथा नियन्त्रण, स्वास्थ्य खानेपानी तथा सरसफाइ स्वच्छवता कार्यक्रम, स्वास्थ्य तथा स्वच्छवताका लागि जोखिम सञ्चार, सामुदायिक संलग्नता र जवाफदेहिता कार्यक्रम, समुदायमा आधारित निगारानी तथा केस सर्बेक्षण खोजपड्ताल कार्यक्रम,कोरोना संक्रमण रोकथाम तथा नियन्त्रणका लागि समुदाय स्तरमा खानेपानी,सरसफाइ तथा स्वच्छवता कार्यक्रम,मानसिक स्वास्थ्य तथा मनोसामाजिक परार्मश कार्यक्रम,कोभिड– १९ बाट प्रभावितका लागि एम्बुलेन्स सेवा,सामुदायिक स्वास्थ्य तथा अत्यावश्यक स्वास्थ्य सेवाको पहुँचलाई व्यवस्थित गर्न पहल र स्वयंसेवकको दक्षता अभिबृद्धिमा सहयोग गर्ने गतिविधि सञ्चालन हुने भएका छन् ।

 

© 2021 Quicknepal.com  |  All Rights Reserved.