काठमाडौं । कांग्रेस महाधिवेशनअघि सम्पन्न हुनुपर्ने प्रदेश अधिवेशन पुस ६ र ७ गते हुँदै छ ।
यसअघि सो प्रदेशका केही जिल्लामा अधिवेशन हुन नसकेपछि महाधिवेशनपछि हुन लागेको सो प्रदेश अधिवेशनमा हुने समीकरण र चयन हुने नेतृत्वलाई लिएर चासोका साथ हेरिएको छ ।
कांग्रेस केन्द्रीय महाधिवेशन अघिसम्मम अस्तित्वमा रहेका पौडेल समूह र निधि समूह संस्थापन समूहमा समाहित भएका छन् ।
समीकरणका दृष्टिले यसअघि पौडेलले नेतृत्व गरेको समूहको नेतृत्व शेखर कोइरालाले गरेका छन् ।
त्यसैगरी, पौडेल यसअघिका प्रतिस्पर्धी देउवा खेमामा पुगेका छन् ।
यसअघि अलग धारको रुपमा आफूलाई विस्तार गर्न खोजेका निधिले सो प्रदेशमा आफूलाई कुन रुपमा प्रस्ततु गर्लान् वा देउवा पक्षमै समाहित होलान् भन्ने कुरा निकै चासोको विषय बनेको छ ।
यद्यपि, निधिले कांग्रेस महाधिवेशनका क्रममा प्रदेश-२को सभापतिमा आफूपक्षीय नेता नेता रामसरोज यादवलाई सभापति बनाउने सर्तमा देउवालाई सभापति बनाउन सहयोग गरेको खुलासा भएको छ ।
यसअघि फरक-फरक धारमा उभिएका देउवा, पौडेल र निधि संस्थापन समूहमा उभिएकाले पनि यो महाधिवेशनमा उनीहरुबीच कस्तो सम्बन्ध रहला, पौडेल यसअघिकै समूहमा फर्किएलान् वा देउवासँगै सहकार्य गरेर अघि बढ्लानजस्ता कांग्रेस १४औँ महाधिवेशनले प्रश्न उब्जाएको छ ।