एमालेले कांग्रेसलाई एकलौटी सरकार चलाउने प्रस्ताव गरेको छ: प्रचण्ड

काठमाडौं । नेकपा (माओवादी केन्द्र) अध्यक्ष पुष्पकमल दाहालले नेकपा एमालेले कांग्रेसलाई एकलौटी सरकार सञ्चालन गर्न प्रस्ताव गरेको बताएका छन् । 

सोमबार समाजवादी प्रेस संगठनद्वारा आयोजित एक कार्यक्रमलाई सम्बोधन गर्ने क्रममा उनले सो बताएका हुन् । 

अध्यक्ष दाहालले भने, ‘एमालेले अहिलेको गठबन्धन तोडे कांग्रेसको नेतृत्वमा एकलौटी सरकार चलाउन दिने प्रस्ताव गरेको छ ।’

साथै, सो क्रममा उनले प्रधानमन्त्री शेरबहादुर देउवाले कुनै पनि अवस्थामा गठबन्धनलाई तोड्ने पक्षमा आफू नरहेको जवाफ दिएको बताए । 

'एमालेले कांग्रेसलाई गठबन्धन तोडे एकलौटी सरकार चलाउन दिने र एमसीसी पारित गर्न सघाउने प्रस्ताव गरेको छ,' दाहालले भने, 'प्रधानमन्त्री देउवाले कुनै हालतमा गठबन्धन टुटाउने पक्षमा छैनौँ भन्नु भएको छ ।'

© 2021 Quicknepal.com  |  All Rights Reserved.