सिरहा- स्राेत नखुलेको ८ लाख नेपाली रुपैयाँसहित सशस्त्र प्रहरीले सिरहा जिल्लाको बरियारपट्टी गाउँपालिका- ३ चमारटोलस्थित सीमा इलाकाबाट शनिबार एक जनालाई नियन्त्रमा लिएको छ।सोही जिल्लाको बरियारपट्टी गाउँपालिका- २ श्रीपुर बस्ने ४२ वर्षीय महोमद फिरोजलाई उल्लेखित रुपैयाँसहित बिओपी बरियारपट्टीले नियन्त्रणमा लिएका हो।

भारतबाट साईकलमा नेपालतर्फ आउँदै गरेका उनलाई गस्तीमा खटिएको सुरक्षा फौजले जाँच गर्दा उनको साथमा १ हजार दरको ४ सय ९६ वटा, ५ सय दरको ६ सय ३ वटा र १ सय दरको २५ वटा नेपाली नोट फेला पारेको हो।उनले सो रकम कहाबाट कुन प्रयोजनको लागि लिएको भन्ने स्राेत खुलाउन नसेकपछि नियन्त्रणमा लिएको हो।नियन्त्रणमा लिइएका फिरोजलाई बरामद रुपैयाँ तथा साइकलसहित आवश्यक कारवाहीको लागि भन्सार कार्यालय, मार्डरमा बुझाइएको छ।

क्विक नेपाल २०८० मंसिर १७,आइतवार ०१ : २९ PM

641 Shares